ملاحظة باللبناني 

من أكتر من أربعة أشهر انتشرت معلومات بتقول انو عقاب صقر راجع عَ لبنان بالخريف وتحديداً بشهر تشرين الأول.

 بوقتها نحنا، الشعب اللبناني يعني، كنا بعدنا بلا رئيس، حزب الله وجعجع بدُّن عون، الاستيذ والحريري بدّن فرنجية، الكتائب ما بدُّن مرشح بيحمل مشروع ٨ اذار وجنبلاط ملتهي بأوسكار.

خبريّة رجوع عقاب صقر بوقتها مرّت مرور الكرام وكتير من الناس ما عرفو فيها لأن عقاب صقر كلّو عبعضو ما بيعنيلُن ولا بتعنيلُن سفراتو ورَوحاتو ومَجواتو..

إلاّ اليوم يا سادة، وبعجقة انتخابات عون (بدل الانتخابات الرئاسية)، قرّر برنامج كلام الناس يعرض عضلاتو على تويتر ويمرّك عَ غيرو انو هوي وصلتو معلومات “حصرية” عن عودة صقر عالبلد للمشاركة بجلسة الانتخابات..

يلي رايح عالحج والناس راجعة… يعطيكن ألف عافية شباب، عم تتعبو، معطيات شي رُعُب…

الفكرة مش هون، الفكرة هيي انو نحنا، الشعب اللبناني يعني، طُش ورح نضل طول عمرنا طُش، صرلُن سنتين وخمسة اشهر عم يلعبو فينا ويحزرونا وينطرونا كل أول شهر تا نعرف شو توقعات ليلى عبداللطيف، وهني مزبطين سفراتُن وحاجزين تيكيتاتُن ومقرّرين الرئيس ومحدّدين موعد انتخاب الليمون بتشرين عَ أساس تقليعة الموسم…

#يا_محاسن_الصدف #شو_بيشبهك_تشرين #صحتين #أنا_بحِب_مارسيل #كان_قصدي_عن_الليمون #عون_يعني

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s